«Barys» klýbynyń jetekshisi Nazarov Qazaqstan quramasyn jattyqtyrmaq
ASTANA. QazAqparat - «Barys» klýbynyń jetekshisi Andreı Nazarov Qazaqstan quramasynyń bas bapkeri laýazymyna taǵaıyndalmaq.
Reseılik maman Andreı Nazarov Qazaqstannyń hokkeı federatsııasy atqarýshy komıtetiniń otyrysynda Qazaqstan hokkeı quramasynyń bas bapkeri qyzmetine taǵaıyndalady, dep jazady Sportbox.ru.
«Bul - sheshilgen másele. Qazaqstan quramasy men onyń bazalyq klýby «Barystyń» bas bapkeri laýazymyn qatar atqarý - qalyptasqan tájirıbe», - deıdi Qazaqstannyń hokkeı federatsııasynyń jaýapty hatshysy Gleb Karataev. «Resmı taǵaıyndaý tamyzdyń sońynda, qyrkúıektiń basynda atqarýshy komıtetiniń otyrysynda ótedi».
Aıta ketý kerek, A.Nazarov bunyń aldynda «Donbass» klýby men Ýkraına quramasyn jattyqtyrǵan bolatyn. 30 shilde kúni ol Ýkraına quramasynyń bas bapkeri laýazymynan ketý jóninde ótinish tastaǵan. Bir kúnnen keıin Ýkraınanyń hokkeı federatsııasy bul mamanmen aradaǵy kelisimdi úzdi.
40 jastaǵy bapker «Barys» klýbyn maýsym aıynan beri jattyqtyrýda. Odan buryn ol Reseıdiń «Traktor», «Vıtıaz» ben «Severstal» komandalaryna jetekshilik etti.
