«Barys» klýbynan shyn myqtylarǵa ese jibermeıtin talaı jastar shyǵady - Nazarov
ASTANA. QazAqparat - «Barys» hokkeı klýbynyń bas bapkeri Andreı Nazarov reseılik «Sport Ekspress» ınternet saıtyna bergen suhbatynda «Barys» klýbynda shyn myqtylardyń ókshesin basyp kele jatqan qazirgi tańda áli eshkimge belgisiz has daryndy jastar shyǵatyndyǵyn málimdedi.
«QHL maýsymynda komandadaǵy 25 oıynshynyń barlyǵy joǵary óner kórsetedi dep úmittenemin. Negizgi nazar Igor Kalıanın, Vladımır Vorobev, Andreı Shaıanov syndy jas hokkeıshilerge aýdarylady. «Barystyń» basqa bapkerleri jas sportshylarǵa kóńil aýdaratyn bolady. Komandada óte úlken básekelestik, barlyǵynda kelisimshart bar. Biraq negizgi quramnyń ókshesin basyp kele jatqan jastar jeterlik. Mysaly, sporttyq turǵyda qatal qorǵaýshy - Madııar Ibraıbekov. Ol maǵan Darıýs Kasparaıtısti eske salady, degenmen ol dene iriligi boıynsha «Ganstan» asyp túsedi», - deıdi bas bapker.
Onyń aıtýynsha, komandanyń oıyny bıyl ózgesheleý bolady. «Komanda oıynyn jyldamyraq, odan ári tegeýrindi etýdi josparlaýdamyz. Sonymen qatar komandany áńgimege ashyq etip jasamaqpyz. Ol Qazaqstanda eń medııalyq ujym bolmaq. Múmkin barsha QHL aýmaǵynda da bul jaǵynan eń úzdik bolýy yqtımal. Klýbymyzda úndemeıtin oıynshylar bolmaıdy», - dedi A. Nazarov.
Aıta keteıik, tanymal reseılik maman «Barys» klýbyna jaqynda ǵana bas bapker bolyp taǵaıyndalǵan bolatyn.
