«Barys» klýby Shveıtsarııa týrnırindegi úshinshi oryn úshin talasta «Jeneva-Servett» komandasyna jol berdi
ASTANA. Tamyzdyń 23-i. QazAqparat - «Barys» hokkeıshileri Shveıtsarııada ótip jatqan Basel Summer 2010 hokkeı týrnırinde úshinshi oryn úshin matchta jergilikti «Jeneva-Servett» komandasynan jeńilis tapty, dep habarlaıdy QazAqparat chempıonat.rý saıtyna silteme jasap.
Shveıtsarııalyq hokkeıshiler qosymsha belgilengen ýaqyttyń 3-shi mınýtynda jeńis shaıbasyn salyp, 3:4 esebimen týrnırdiń qola júldesin ilip áketti.
Goldardy «Jeneve-Servett» klýbynyń sapynan Flýrın, Loren, Morrıs, Goran saldy. Bul kezdesýde shveıtsarııalyqtardyń Braıan Pote atty hokkeıshini atap ótken jón. «Barysqa» soǵylǵan barlyq 4 goldyń bastamashysy osy Pote boldy.
«Barys» komandasynyń gol avtorlary: Býmagın, Bochenskı jáne Kaspar.
Bazel týrnıriniń bas júldesine Slovakııanyń «Slovan» klýby ıe boldy. Aqtyq synda ol Sankt-Peterbordyń «SKA» hokkeıshilerin jeńdi.
