«Barys» QHL matchynda «Sibirdi» 6:3 esebimen jeńdi
ASTANA. QazAqparat - «Barys» hokkeıshileri «Sibirden» syrt alańdaǵy jeńilisinen qarymta qaıyryp, osy joly 6:3 esebimen jeńiske jetti, dep habarlady sports.kz.
QHL-diń kezekti oıyny tartysty ótti, goll sany da kóp boldy, oıynshylardyń shyǵyp qalýy da jıiledi.
«Biz oıynnyń basynda 5:0 esebimen basymdyqta boldyq. Odan ári oıyn kúrdelene tústi. Bizdiń biraz hokkeıshilerimiz oıynnan shyǵyp qalǵan ýaqyttar boldy, al qarsylastarymyz qaıtadan oıynǵa kirisip jatty. Degenmen biraz gol salyndy, tutastaı alǵanda bári jaqsy. Jattyqtyrýshynyń júıesine de boıymyz úırene bastady, qorǵana otyryp, shabýyldy da údettik. Degenmen jaqsy oıyn kórsete aldyq dep oılaımyn», - dep atap ótti elordalyq klýbtyń kapıtany Brendon Bochenskı.
«Barystyń» kelesi oıyny 12 qazanda saǵat 17:00-de novokýznetskilik «Metallýrgpen» ótedi.
