«Barys» QHL-dyń turaqty maýsymynyń chempıonyn jeńdi
ASTANA. 18 aqpan. QazAqparat - Qazaqstannyń «Barys» hokkeı komandasy Qurlyqtyq hokkeı lıgasynyń turaqty maýsymy aıasynda pıterlik SKA-ny jeńdi.
Vesti.kz habarlaǵandaı, match «Barys» hokkeıshileri úshin sátsiz bastaldy. Tórtinshi mınýtta-aq esep SKA-nyń paıdasyna 2:0 boldy.
Ekinshi kezeńde Vladımır Krıkýnov jattyqtyratyn komanda on mınýttyń ishinde qatarynan úsh shaıba saldy. Olardyń avtorlary: Dastın Boıd, Naıdjel Doýs jáne Konstantın Pýshkarev. Biraq, úziliske deıin esep qaıta teńesi. Úziliske úsh mınýt qalǵanda Patrık Toresen Vıtalıı Eremeevtiń qaqpasynan sańylaý tapty.
Sońǵy jıyrma mınýttyń basynda Dmıtrıı Ýpper «Barysty» qaıta alǵa shyǵardy. 54-inshi mınýtta Maksım Spırıdonov Mıhaıl Rahmanovtyń pasymen alshaqtyqty ulǵaıtty, biraq bir mınýttan keıin Mortenson matchqa shıelenisti qaıta oraltty. Ne degenmen, sońǵy aýyr mınýttarǵa qaramastan, qazaqstandyqtar jeńisti qoldan bermedi, esep 5:4.
