«Barys» QHL-da goldar sany boıynsha jeke rekord ornatty
ASTANA. QazAqparat - Qurlyqtyq hokkeı lıgasy (QHL) turaqty chempıonatynda Astananyń «Barys» klýby soǵylǵan goldar sany boıynsha jańa rekord ornatty, dep habarlaıdy Sports.kz.
Bıylǵy maýsymda qazaqstandyq komandanyń hokkeıshileri qarsylastar qaqpasyna 190 shaıba soqty. Bul - lıgadaǵy besinshi kórsetkish jáne «Barystyń» absolıýtti rekordy. Buǵan deıingi úzdik nátıje 182 gol bolǵan edi. Oǵan 2013/14 jylǵy maýsymda qol jetkizgen bolatyn. Sondaı-aq 2012/13 maýsymdaǵy 175 shaıba kórsetkishi de úzdik úshtikke kirip otyr.
Eske sala keteıik, 2018/19 jylǵy maýsymnyń turaqty chempıonatynyń qorytyndysy boıynsha «Barys» lıgada besinshi, al Shyǵys konferentsııasynda ekinshi orynǵa ıe boldy. Pleı-off kezeńiniń alǵashqy aınalymynda astanalyqtar Nıjnıı Novgorodtyń «Torpedo» komandasymen muz aıdynǵa shyǵady. Aıta keteıik, «Torpedo» Shyǵysta jetinshi oryndy qanaǵat tutqan bolatyn.
