«Barys» QHL chempıonatynyń shırek fınalyna shyǵýdyń sál-aq aldynda tur
ASTANA. QazAqparat - Búgin «Barys» Qurlyqtyq hokkeı lıgasynyń pleı-off synynda ekaterınbýrgtik "Avtomobılıstten" úshinshi márte basym tústi.
Ekaterınbýrgta ótken match barysynda qazaqstandyq komanda 1:2 esebimen qarsylasyn tize búktirdi. Alǵashqy goldy «Avtomobılıst» hokkeıshileri saldy, Artem Chernov oıynnyń jetinshi mınýtynda urymtal sátterdiń birinde qaqpany dál kózdedi. Degenmen, ekinshi aınalymnyń úshinshi mınýtynda Konstantın Romanov esepti teńestirdi. Al úshinshi aınalymda Konstantın Rýdenko «Barysty» alǵa shyǵardy. «Avtomobılıst» sońǵy mınýttarǵa deıin gol salýǵa tyrysty, alaıda astanalyqtardyń qaqpashysy úzdik oıyn kórsetti.
Osylaısha, pleı-off serııasynda esep 3:0, «Barystyń» esesi túgel. Kelesi match 12 naýryzda Ekaterınbýrgta ótpek. Ol oıynda astanalyqtar jeńetin bolsa, QHL-dyń shırek fınalyna ótedi.
