«Barys» qarsylas shaq keltirmeı kelgen qaharly «ıÝgradan» basym tústi
ASTANA. QazAqparat - Astanada jergilikti "Barys" komandasy Qurlyqtyq hokkeı lıgasynda Hanty-Mansıısk qalasynan kelgen "ıÝgra" klýbyn 4:3 esebimen tize búktirdi.
Eń alǵashqy goldy oıynnyń nebári 49-sekýndynda "Barys" salǵan bolatyn. Onyń avtory - Roman Starchenko. Degenmen, birinshi aınalymnyń sońǵy mınýttarynda Nıkıta Gýsev esepti teńestirip ketti. Ekinshi aınalymda astanalyqtar taǵy da birden shabýylǵa umtyldy. Qarqyndy shabýyldardyń birinde Mıhaıl Rahmanov "Barysty" alǵa shyǵarsa, onyń izin ala Nıkolaı Antropov komandanyń mereıin ústem etti. Degenmen qarsylastar sapynan Artem Býlıanskıı ekinshi shaıbanyń avtory atanyp, "Barystyń" uzap ketpeýine jaǵdaı jasaǵanmen, úsh mınýttan soń Brendon Bochenskı qazaqstandyq komandanyń esebin eseledi. Sońǵy aınalymda Býlıanskıı Arı Ahonenniń qaqpasyna taǵy bir shaıba salyp, "ıÝgraǵa" úmit otyn jaǵyp bergen bolatyn. Alaıda "ıÝgranyń" áli odan árige jetpedi. Qorytyndy esep - 4:3. Aıta keteıik, bunyń aldynda hanty-mansııskilik klýb qarsylas shaq keltirmeı, qatarynan úsh ret jeńiske jetip kelgen bolatyn.
