«Barys» kapıtany QHL pleı-off surmergenderi tiziminde kósh bastady
ASTANA. QazAqparat - Astananyń «Barys» hokkeı klýbynyń kapıtany Brendon Bochenskı QHL pleı-off surmergenderi tiziminde kósh bastady, dep habarlaıdy QazAqparat Sports.kz-ke silteme jasap.
Reseıdiń «Torpedosyna» qarsy serııanyń besinshi matchynda (3:1) 36 jastaǵy sportshy «Barystyń» ekinshi shaıbasyn soqty. Osylaısha, Bochenskı 9 upaı (3+6) jınap, ózge qarsylastaryn basyp ozdy. Aıta keteıik, Qazaqstan klýbynyń kapıtany assıstentter tiziminde de kósh bastap tur.
«Barystyń» taǵy bir forvardy Mettıý Frettın 7 upaı (5+2) jınap, úzdikter bestiginen kórindi. Bes nátıjeli pas bergen Kertıs Volk assıstentter tiziminde Bochenskıdiń izin qýyp keledi.
