«Barys» qaqpashysy QHL chempıonatynyń 15 aptasynda úzdik dep tanyldy
ASTANA. 12 qańtar. QazAqparat - Qurlyqtyq hokkeı lıgasynyń 2011/2012 jylǵy kezeńindegi úzdik hokkeıshilerdi anyqtaıtyn komıssııa 4 atalym boıynsha chempıonattyń 15 aptasyndaǵy úzdik hokkeıshilerdi atady.
«Úzdik qaqpashy» atalymynda «Barystyń» qaqpashysy Djeff Glass erekshelendi. Apta ishinde ol eki oıynǵa qatysyp, eki shaıba ótkizip aldy. Jalpy onyń qatysýymen bolǵan osy kezdesýlerde ol qarsylastar shabýyldarynyń 96,6 paıyzyna toıtarys berdi.
QHL aıasynda «Úzdik qorǵaýshy» bolyp «Amýr» komandasynyń oıynshysy Mıkko Mıaenpıa tanyldy. Ol apta ishinde eki oıyn ótkizip, jaqsy kórsetkishterge qol jetkizdi.
Al «úzdik shabýylshy» ataǵyna «Sibir» hokkeıshisi Vladımır Tarasenko ıe boldy.
Sondaı-aq jańadan kelgen hokkeıshilerdiń arasyndaǵy atalymda úzdik retinde «ıÝgranyń» shabýylshysy Stanıslav Bocharov kózge tústi.
