«Barys» hokkeıshileriniń qatary qorǵaýshy Alekseı Troşınskıımen tolyqty
ASTANA. 25 qańtar. QazAqparat - «Barys» hokkeıshileriniń shebi qorǵaýshy Alekseı Troşınskıımen tolyqty, dep habarlaıdy klýbtyń resmı saıty.
22 qańtar kúni hokkeıshi Astanaǵa kelip, klýbpen kelisimshart jasasty. Alekseı Troşınskıı úshin jańa klýbqa beıimdelý kóp ýaqyt alǵan joq. Sebebi ol «Barys» oıynshylarymen ózge komandalarda jáne Qazaqstan quramasynda birge oınaǵandyqtan, áriptesterin jaqsy tanıdy. Búgin 39 jastaǵy hokkeıshi «Barys» sapynda Ýfaǵa attanyp ketti. Erteń ol jergilikti «Salavat ıÝlaev» komandasymen bolatyn oıynda muz aıdynyna shyǵyp qalýy da ǵajap emes.
Qazaqstandyq klýbta Troşınskıı 73-nómirmen óner kórsetedi. Kelisimshart maýsym sońyna deıin belgilengen.
Aıta keteıik, osynaý joǵary sanattaǵy oıynshy jaqyn arada Qazaqstan quramasyna da óz kómegin tıgize alady. Eń aldymen ol quramanyń Rıga qalasynda ótetin olımpada aldyndaǵy biliktilik týrnırindegi, keıin 14-20 sáýir aralyǵynda Vengrııanyń Býdapesht qalasyndaǵy Álem chempıonatyndaǵy oıynyna qatysady.
«Barys» jeıdesin kımeı turyp, Óskemenniń hokkeı mektebiniń túlegi Reseıdiń «Vıtıaz», «Dınamo Moskva», «Atlant», «Torpedo» jáne taǵy basqa klýbtarynyń namysyn qorǵaǵan bolatyn.
