«Barys» hokkeıshileri Mınskiniń «Dınamosyn» 7:2 esebimen talqandady
ASTANA. 8 jeltoqsan. QazAqparat - Astanalyq «Barys» óz alańynda Mınskiniń «Dınamo» komandasyn oısyra utty, dep habarlady Vesti.kz.
«Jyrtqyshtar» esepti oıynnyń ekinshi mınýtynda-aq ashty - Maksım Spırıdonov mınchandyqtardyń (Sharl Lıngle dórekilik úshin 2+10 aldy) oıynnan alastatylýyn tıimdi paıdalana bildi. Esep - 1:0. Degenmen eki mınýttan keıin-aq qonaqtar esipti teńestirdi, ıAnne Nıskala baǵyttaǵan shaıba Vıtalıı Eremeevtiń qaqpasyna kirip, 1:1 boldy.
Komandalar oıynnyń ekinshi kezeńinde de shaıba almastyryp úlgerdi, 3:2.
Oıynnyń sońynda qonaqtar astanalyq komandadan oısyra jeńildi. Qatarynan 3 shaıba Pekka Rınnanyń qaqpasyna dál kirdi.
Bul oıynda Jaılaýov, Rýdenko, keıin Doýs erekshelendi. Qonaqtardyń basty jattyqtyrýshysy Aleksandr Andrıevskıı tájirıbeli qaqpashysyn aýystyrdy. Muz aıdynyna Denıs Kovalev shyqty. Alaıda onyń bul qadamy nátıje bermedi. Oıyn 7:2
esebimen aıaqtaldy.
«Barys» kelesi kezdesýin syrt alańda ótkizedi. 19 jeltoqsanda qazaqstandyq klýb Rıgada jergilikti «Dınamo» komandasymen oınaıdy.
