«Barys» hokkeıshileri qańtarda 14 oıyn ótkizedi

ASTANA. QazAqparat – «Barys» hokkeı klýbynyń baspasóz qyzmeti komandanyń qańtar aıyna oıyn kestesin jarııalady, dep habarlaıdy QazAqparat.

«Barys» bul aıda óz alańynda 7 match ótkizedi.

Birinshi match búgin, 3 qańtar kúni Magnıtogorskiniń «Metallýrgimen» ótedi. Qurlyqtyq hokkeı lıgasynyń turaqty chempıonatynyń oıyny astana ýaqytymen saǵat 17.00-de bastalady. Tikeleı efırdi «Qazsport» telearnasynan kórýge bolady.

12 qańtarda «Barys» Máskeý qalasynyń «TsSKA» komandasymen, 14 qańtarda Nıjnekamskiniń «Neftehımık», 16 qańtarda Novosıbırskiniń «Sıbır», 25 qańtarda Cherepovetstiń «Severstal», 27 qańtarda Chelıabınskiniń «Traktor» jáne 29 qańtarda Máskeýdiń «Dınamo MSK» klýbtarymen oınaıdy.

«Barys» syrt alańda taǵy 7 oıyn ótkizetini josparlanǵan. Atap aıtqanda, 5 jáne 6 qańtarda astanalyq hokkeıshiler Habarovskiniń «Amýr», 8 jáne 9 qańtarda Vladıvostoktiń «Admıral», 19 qańtarda Chelıabınskiniń «Traktor», 21 qańtarda Ekaterınbýrgtiń «Avtomobılıst» jáne 23 qańtarda Magnıtogorskiniń «Metallýrg» klýbtarymen kezdesedi.