«Barys» hokkeıshileri horvatııalyq «Medveshchaktan» taǵy utyldy
ASTANA. 17 qańtar. QazAqparat - Elordanyń «Barys» komandasy Qurlyqtyq hokkeı lıgasy chempıonatynyń kezekti matchynda horvatııalyq «Medveshchak» komandasyna jol berdi.
Astanada 1:3 esebimen aıaqtalǵan matchta Zagreb hokkeıshileriniń mereıi ústem boldy. Goldardy qonaqtar sapynan Mett Ellıson men Sharl Lıngle (dýbl) salsa, «Barys» quramynan Roman Starchenko kózge tústi.
Aıta keteıik, maýsym basynda eki komanda kezdesken bolatyn. Ol kezde de 1:2 esebimen horvatııalyq komanda jeńiske jetken.
Degenmen, bul jeńilis «Barys» komandasy úshin mańyzdy bolǵan joq. Sebebi astanalyq ujym Qurlyqtyq hokkeı lıgasynyń pleı-off kezeńine merziminen buryn shyǵyp qoıǵan bolatyn.
