«Barys» hokkeı komandasy úshin QR Prezıdentiniń kýbogin jeńip alý prıntsıpti is - Klýb basshysy
STANA. Tamyzdyń 9-y. QazAqparat /Jasulan Amanbaıuly/ - «Barys» hokkeı komandasy úshin QR Prezıdentiniń kýbogin jeńip alý prıntsıpti is.
Bul týraly búgin halyqaralyq jarys qarsańynda ótkizilgen baspasóz máslıhatynda «Barys» hokkeı klýbynyń prezıdenti Nurlan Orazbaev málim etti.
Onyń aıtýynsha, Kýbok Qurlyqtyq hokkeı lıgasy deńgeıinde eleýli orynǵa ıe sporttyq jádiger. Sondyqtan jarysta jeńip shyǵý «Barys» oıynshylary úshin óte mańyzdy bolyp tabylady.
«Týrnırdiń mártebesi óte joǵary, sondyqtan komandaǵa jeńý kerek degen mindet qoıylyp otyr. Oıynshylardyń ózderi de kýboktyń Astanada qalǵanyn qalaıdy», dep atap kórsetti klýb prezıdenti.
«Sońǵy eki-úsh kún qalǵanda komandada psıhologııalyq jaǵdaı shıryǵa tústi. Jattyǵý barysynan da, komanda ishindegi ahýaldan hokkeıshilerimizdiń jeńýge degen qulshynysyn ańǵarýǵa bolady», dedi N. Orazbaev.
Prezıdent kýbogi jolyndaǵy jarys erteń, tamyzdyń 10-da bastalady.
Aıtýly básekede Qurlyqtyq hokkeı lıgasynda zor bedelge ıe Máskeý oblysynyń «Atlant», Mınsk men Rıga qalalarynyń «Dınamo» komandalary jáne otandyq «Barys» klýbtary ózara kezdesedi.
