«Barys» hokkeı komandasy reseılik «Sıbır» klýbyn jeńip ketti

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Sıbır» (Novosibir) klýbyna qarsy ótkizdi, dep habarlaıdy QazAqparat tilshisi.

Qatarynan bes márte jeńilistiń aşy dámin tatqan qazaqstandyq klýb úshin jeńis qajet bolatyn. Sondyqtan búgingi oıynda alǵashqy mınýttan bar kúshin salýǵa tyrysty.

Oıynnyń 8-mınýtynda Djeremı Brakko «Barys» komandasyn alǵa shyǵardy.

Birinshi kezeńde qos klýb tarapynan gol soǵatyn múmkindikter bolǵan edi. Soǵan qaramastan tablodaǵy esep ózgerissiz qaldy.

Ekinshi kezeńde reseılik klýb tarazy basyn teńestirýge umtyldy. Nátıjesinde 33-mınýtta «Sıbır» hokkeıshisi Vıacheslav Osnovın mergendigimen kózge tústi.

Oıynnyń 58-mınýtynda «Barys» sapynan Lınden Veı gol soqsa, 59-mınýtta Kırıll Savıtskıı qorytyndy esepti belgiledi.

Osylaısha «Barys» qarsylasynan 3:1 esebimen basym tústi.

Endi «Barys» aldaǵy oıynyn elordada 3 qarashada Reseıdiń «Admıral» (Vladıvostok) komandasyna qarsy ótkizedi.

Eske salsaq, budan buryn elordalyq klýb qatarynan bes márte jeńiliske ushyrady.

Eske salsaq, budan buryn «Barys» «Salavat ıÝlaevtan» oısyraı jeńildi.

Foto: hcbarys.kz