«Barys» hokkeı komandasy «Atlantqa» ese jiberip qoıdy
ASTANA. 20 qarasha. QazAqparat /Rýslan Ǵabbasov/ - Qurlyqtyq hokkeı lıgasynda óner kórsetip jatqan Astananyń «Barys» komandasy buǵan deıingi birneshe dúrkin jeńisti oıyndarynan keıin keshegi tartysynda «Atlant» (Máskeý oblysy) komandasyna ese jiberip qoıdy.
Keshe «Qazaqstan» sport saraıynda ótken dodada «Barys» oqtyn-oqtyn shabýyl jasaǵanymen, «Atlanttyń» qorǵanys shebin buzý qıynǵa tústi. Ekinshi kezeńniń 5-mınýtynda qonaqtar esep ashty. Sondaı-aq oıynnyń úshinshi kezeńinde «Atlant» komandasynyń basymdyǵy arta tústi, ıaǵnı olar esepti eseleı tústi. Osylaısha, «Barys» qonaqtardan 0-2 esebimen utylys tapty. Astanalyq komandanyń kelesi oıyny erteń «Torpedo» komandasymen bolady.
