«Barys» hokkeı klýbynyń jaraqattanǵan shabýylshysy Talǵat Jaılaýovqa dıagnoz qoıyldy
ASTANA. QazAqparat - Astanalyq «Barys» hokkeı klýbynyń shabýylshysy Talǵat Jaılaýovqa mıy shaıqalǵan degen dıagnoz qoıyldy dep habarlaıdy Sovsport.ru saıty senimdi aqparat kózine súıenip.
«Ol qulaǵan soń qysqa ýaqytqa esinen tanyp qalǵan. Basynda qandy isik paıda boldy. Dárigerler onyń jatyp emdelýi qajettigin aıtty», - dep habarlanǵan onda. Sonymen qatar shabýylshynyń kem degende bir aı boıy muz aıdynyna shyqpaıtyny belgili boldy. Esterińizge sala keteıik, «Barys» hokkeı klýby pleı-off oıyndarynyń alǵashqy raýndynda Reseıdiń «Avtomobılıst» komandasyn jeńgen bolatyn. Astanalyq áýejaıda jankúıerler Jaılaýovty qolǵa salyp, joǵary-tómen terbete bastaıdy. Bir sátte hokkeıshi aýyp ketip, edenge basymen qulaıdy. Eshkim ony ustap qala almaǵan. Nátıjesinde Jaılaýov biraz ýaqytqa deıin ornynan tura almaı jatty. Kýágerler bolsa, oǵan kómek kórsetýdiń ornyna, japa-tarmaǵaı qorshap, uıaly telefondaryna túsire bastaıdy. Óz kúshimen áreń degende kóterilgen hokkeıshi aqsańdaı basyp jónine ketti. Al jankúıerler bolsa ony qol shapalaqtaýmen shyǵaryp saldy.
