«Barys» hokkeı klýbynyń prezıdenti aýysty

ASTANA. QazAqparat - «Barys» hokkeı klýbynda jańa taǵaıyndaýlar boldy, dep habarlady «QazAqparat» HAA tilshisi.

«Qamqorshylyq keńestiń sheshimimen «Barys» HK prezıdenti laýazymyna Asqar Seıdahmetuly Shopobaev taǵaıyndaldy», - delingen baspasóz qyzmeti habarlamasynda.

Búgin taraptardyń kelisimimen «Barys» HK prezıdenti Aleksandr Koreshkovpen jasalǵan eńbek kelisim-sharty buzyldy.

Asqar Shopobaev 2010-2015 jyldarda «Almaty» HK men Almaty jáne Almaty oblysyndaǵy Qazaqstandyq hokkeı federatsııasynyń fılıalyn basqardy.