«Barys» hokkeı klýbynyń eks-kapıtany AQSh-ta qala meri qyzmetine kiristi
NUR-SULTAN. QazAqparat - «Barys» hokkeı klýbynyń jáne Qazaqstan qurama komandasynyń burynǵy kapıtany Brendon Bochenskı AQSh-tyń Soltústik Dakota shtatyndaǵy Grand-Forks qalasynyń meri qyzmetine kiristi. Bul jóninde sports.kz portalyna silteme jasap QazAqparat habarlaıdy.
Taıaýda qalalyq keńestiń ǵımaratynda saltanatty rásim ótip, jańa mer halyq aldynda ant berdi.
«Men, Brendon Bochenskı, AQSh Konstıtýtsııasyn jáne Soltústik Dakota shtatynyń Konstıtýtsııasyn ustanamyn dep saltanatty túrde ant etemin. Óz múmkindigime qaraı jáne qudaıdyń kómegimen 24 maýsymnan bastap Grand-Forks qalasynyń meri qyzmetin abyroımen atqarýǵa kirisemin» dedi ol shara barysynda.
Jumysyna kirisken soń arada jarty saǵat ótkende Brendon Bochenskı óziniń birinshi qaýlysyn shyǵardy. Ol birneshe aıdan beri alǵash ret qalalyq merııa, polıtsııa, órt sóndirý bólimi men basqa da qoǵamdyq nysandardy ashýdy buıyrdy.
