«Barys» hokkeı klýbynyń 2011-2012 jyldardaǵy oıyn maýsymyndaǵy úzdik hokkeıshisi belgili boldy
ASTANA. 4 mamyr. QazAqparat - «Barys» hokkeı klýbynyń 2011-2012 jyldardaǵy oıyn maýsymyndaǵy úzdik oıynshysy anyqtaldy.
Atalǵan klýbtyń saıtynda bir aı boıy aıaqtalǵan oıyn maýsymynda úzdik hokkeıshini anyqtaý maqsatynda daıys berý sharasy ótti. Osy ýaqyttyń ishinde 3 748 daýys qabyldanǵan kórinedi.
«2011-2012 jyldardaǵy oıyn maýsymynda «Barys» komandasynyń úzdik oıynshysy» ataǵyn shabýylshy Brendon Bochenskı ıelendi.
Esterińizge sala keteıik, Qurlyqtyq hokkeı lıgasy turaqty chempıonatynyń nátıjesi boıynsha B. Bochenskı lıganyń úzdik mergeni bolyp tanyldy. Ol 49 oıynda 27 shaıba salǵan eken.
Atap aıtqanda, Brendon Bochenskı - 30 paıyz, Kevın Dallmen - 22 paıyz, Talǵat Jaılaýov - 12 paıyz, Vıtalıı Eremeev - 9 paıyz, Dastın Boıd - 5 paıyz, Konstantın Pýshkarev jáne Irjı Novotny 3 paıyzdan, Lýkash Kashpar men Roman Starchenko 2 paıyzdan, al Doýs, Gavrılın, Krasnoslobodtsev, Hatchınson, Kreps, Novopashın, Glass, ıÝnland, Fadeev, Lakıza, Savchenko 1 paıyzdan daýys jınady.
