«Barys» hokkeı klýbyna kanadalyq qorǵaýshy alyndy
«Barys hokkeı klýbynyń baspasóz qyzmetinen málim etkendeı, kanadalyq sportshymen kelisimshart osy maýsymnyń aıaǵyna deıingi merzimge jasalǵan.
Aleks Grant sport mansabynyń basym bóligin Amerıka hokkeı lıgasynda (AHL) ótkizgen. 2018 jyldan beri ol Qurlyqtyq hokkeı lıgasynda (QHL) óner kórsetip keledi.
Tórt jyl boıy Aleks «Iokerıt» klýbynyń namysyn qorǵap, onda nátıjeli oıynymen kózge tústi. Ótken maýsymda hokkeıshi Kanada ulttyq quramasy sapynda Beıjińdegi olımpıada oıyndarynda aıdynǵa shyqty.
Bıylǵy maýsymdy SKA klýbynda bastaǵan Grant 16 match ótkizip, 6 ball (1 gol + 5 pas) jınady.
«Barysta» Grant 51-nómirmen oınaıdy. Kanadalyq qorǵaýshy osy aptanyń aıaǵyna deıin komanda quramyna qosylmaqshy.
Eske sala keteıik, budan buryn «Barystyń» búgin elordada «Ak Bars» komandasymen kezdesetinin jazǵan bolatynbyz.
Foto: www.hcbarys.kz