«Barys» hokkeı klýby Ekaterınbýrgke attandy
NUR-SULTAN. QazAqparat – Qurlyqtyq hokkeı lıgasynda óner kórsetetin «Barys» klýbynyń bapkerlik shtaby Ekaterınbýrgke attanǵan oıynshylardyń tizimin jarııa etti, dep habarlaıdy QazAqparat tilshisi.
«Barys» hokkeı klýby málim etkenindeı, komanda mynadaı quramda aıdynǵa shyqpaqshy.
Qaqpashylar: Henrık Karlsson, Sergeı Kýdrıavtsev, Ionı Ortıo.
Qorǵaýshylar: Djessı Bleker, Tamırlan Gaıtamırov, Darren Dıts, Nıkıta Kleşenko, Alekseı Maklıýkov, Leonıd Metalnıkov, Valerıı Orehov, Vıktor Svedberg, Egor Shalapov.
Shabýylshylar: Lınýs Vıdell, Kertıs Volk, Dmıtrıı Grents, Dmıtrıı Gýrkov, ıAkob Lılıa, Nıkıta Mıhaılıs, Maksım Mýsorov, Kırıll Panıýkov, Egor Petýhov, Anton Sagadeev, Roman Starchenko, Mett Frettın, Dmıtrıı Shevchenko, Arkadıı Shestakov.
Osynyń aldynda SKA (Sankt-Peterbýrg) komandasymen ótken kezdesýde jaraqat alǵan Pavel Akolzın men taǵy bir shabýylshy Álıhan Ásetov tizimge kirgen joq.
Ekaterınbýrgte «Avtomobılıst» pen «Barystyń» oıyny 7 qazan kúni saǵat 20.00-de bastalady. Match Qazsport jáne KHL-TV telearnalarynan tikeleı efırde kórsetiledi.
«Avtomobılıst» 12 kezdesýden keıin 18 upaı jınap, jalpy kestede altynshy, Shyǵys konferentsııasynda tórtinshi orynda keledi. Al 7 match ótkizip, 9 upaıǵa ıe bolǵan «Barys» KHL kestesinde 18-inshi, Shyǵysta 9-satyda tur. Sondyqtan elordalyq klýbqa aldaǵy oıyndaryn barynsha jınaqy ótkizip, kóbirek upaı jınaý qajet-aq.
Eske sala keteıik, budan buryn «Barystyń» SKA komandasyn bes jyldan keıin jeńgenin jazǵan bolatynbyz.
