«Barys» hokkeı klýby bas bapkermen kelisimdi uzartty
NUR-SULTAN. QazAqparat – «Barys» hokkeı klýby bas bapker ıÝrıı Mıhaılıspen jasalǵan sharttyń uzartylǵanyn resmı túrde habarlady, dep jazady QazAqparat sports.kz-ke silteme jasap.
Kelisimniń merzimi bir jyldy quraıdy (2022 jylǵy 30 sáýirge deıin).
Esterińizge sala keteıik, ótken jazda Mıhaılıs «Barysty» basqardy, keıinnen komanda kezekti ret Qurlyqtyq hokkeı lıgasynda pleı-offqa shyqty. Mamyr aıynda maman elıtalyq dıvızıonda ótken álem chempıonatynda Qazaqstan ulttyq quramasynyń bas bapkeri retinde debıýt jasady. Latvııadaǵy týrnırde otandyq komanda tórt jeńiske jetip, topta besinshi orynǵa ıe boldy. Osylaısha ózi úshin rekordtyq nátıjege qol jetkizdi.
«Barys» jattyqtyrýshylar shtabynda ózgerister bolǵan joq. ıÝrıı Vladımırovıchke Aleksandr Ahtsıger, Andreı Shaıanov, Maksım Semenov jáne Aleksandr Shımın kómektesýdi jalǵastyrady.
