«Barys» hokkeı klýby 2011-2012 jyldardaǵy daıyndyq kezeńiniń tizimin anyqtady

KHL tártibine sáıkes oıyn maýsymy aldyndaǵy daıyndyq jıyndary 20 shildede bastalady. Osy kúni «Barys» komandasynyń hokkeıshileri men jattyqtyrýshy shtaby Astanaǵa kelip, medıtsınalyq tekserýden ótedi.

Atap aıtqanda astanalyq komandanyń qatysýymen bolatyn kezeńaralyq týrnırlerdiń kestesi 9 tamyzda bastaý alady. 9-13 tamyzda atalǵan komanda «Qazaqstan Prezıdenti kýbogi» halyqaralyq týrnırine qatysady. Al 15 tamyzda «Barys» hokkeıshileri Basel Summer (17-21 tamyz) jyl saıynǵy týrnırge qatysý úshin Shveıtsarııaǵa attanady. Sondaı-aq 29 tamyzda Astananyń hokkeı komandasy Sverdlov oblysy gýbernatorynyń júldesine arnalǵan dástúrli týrnırge qatysýǵa Ekaterınborǵa oıyn maýsymy aldyndaǵy sońǵy saıysqa barady.