«Barys» HK jańa maýsymyn Almatyda bastaıdy
ALMATY. QazAqparat - Qurlyqtyq hokkeı lıgasynda baq synaıtyn «Barys» hokkeı klýby Almatyda jańa maýsymyn bastaıdy, dep habarlaıdy QazAqparat tilshisi.
Komanda Almatyǵa 10 qyrkúıekte barady. Oıyndar «Almaty arena» sport saraıynda bolady. Bul saraıǵa 12 000 kórermen syıady.
Astanalyq hokkeıshiler kimmen oınaıtyny ázirge belgisiz.
Resmı saıtynda málim bolǵandaı, QHL-dyń alǵashqy úsh matchy Almatyda ótedi.
«Almatyda QHL ekinshi klýbyn ashý josparda bar. Ol úshin barlyq ınfraqurylym bar. Barystyń osy oıyny qalaı aıaqtalary belgisiz. Alaıda, búginniń ózinde Almaty QHL shekarasyn úlkeıtýde basty kandıdat bop turǵany ras», - delingen resmı jaýapta.
Aıta ketý kerek, «Barys» ótken maýsymda pleı-offtyń ekinshi kezeńine deıin jetip, Ombynyń «Avangard» komandasyna 1:4 esebimen ese jiberip alǵan edi.
