«Barys» HK úzdik oıynshylarmen kelisimshartty uzartady
ASTANA. QazAqparat - Elordalyq klýbtyń úzdik hokkeıshileri - Brendon Bochenskıge, Kevın Dallmenge jáne Dastın Boıdqa «Baryspen» kelisimshartty uzartý usynysy jasalýy múmkin, dep habarlady «QazAqparat» HAA tilshisi.
Osy maýsymnyń aıaqtalýyna oraı qazaqstandyq azamattyǵy bar soltústikamerıkalyq atalmysh úsh oıynshynyń kelisimshart merzimi aıaqtaldy jáne olar avtomatty túrde bos agentke aınaldy. Búgin Qurylyqtyq hokkeı lıgasynda transferlik tereze ashyldy jáne osy oıynshylar zań boıynsha kez kelgen basqa komandaǵa aýysa alady.
Ne degenmen, «Barys» prezıdenti Aleksandr Koreshkov «Barys» kóshbasshylary elordalyq klýbta qalatynyn aıtty. «Karlssonǵa, Bochenskıge, Dallmenge jáne Boıdqa jańa kelisimshart jasasýdy usynamyz», - dedi Koreshkov Lıganyń resmı saıtyna.
Boıd, Bochenskı, Dallmen, sondaı-aq Naıdjel Doýs pen Martın Sen-Per «Barystyń» ǵana emes, sonymen birge Qazaqstan ulttyq quramasynyń namysyn qorǵap keledi.
