«Barys» HK Ryspaevpen jasalǵan kelisim sharttaryn túsindirdi
ASTANA. QazAqparat - Jaqynda ǵana BAQ betterinde jarııalanǵan Damır Ryspaevtyń «Barys» hokkeı klýbymen kelisimsharty týraly aqparat tolyq emes jáne naqtylanbaǵan, dep túsindirdi klýbtyń baspasóz qyzmeti.
«Qurlyqtyq hokkeı lıgasy oıyndaryna qatysýǵa merzimsiz shettetilýine baılanysty, jas qorǵaýshy «Barys» quramyndaǵy tizimnen shyǵaryldy. Sebebi ótinishtegi oryndar sany shekteýli. Sol sebepti, Damır Ryspaevpen ózge sharttary bar jańa kelisimshart jasaldy.
Ekijaqty QHL emes, birjaqty qazaqstandyq kelisimshart bekitildi. Ol «Barys» HK quramyna kiretin «Nomad» komandasynyń quramynda oınaýǵa jáne jattyǵýǵa múmkindik beredi», - dep túsindirdi «Barys» HK baspasóz qyzmeti.
Jas qorǵaýshy Qazaqstan chempıonatynyń 14 matchyna qatysyp úlgerdi, onda 2 (1+1) upaı jáne 6 mınýt aıyp ýaqytyn aldy. Alaıda, tóbeles nemese dórekilik úshin oıynnan shettetilgen joq.
