«Barys» HK resmı túrde chehııalyq shabýylshy I. Novotnymen kelisimshartty úzdi
ASTANA. 20 shilde. QazAqparat - Astanalyq «Barys» hokkeı klýby resmı túrde komandanyń chehııalyq legıoneri Irjı Novotnymen kelisimshartty buzdy. Bul týraly klýbtyń resmı saıty habarlady.
Aıta keteıik, qazaqstandyq komandada ótkizgen 2 jyl ishinde I. Novotny QHL óńirlik chempıonatynyń 96 oıynyna qatysyp, 63 upaı jınaǵan.
Biraqatar qazaqstandyq BAQ-tyń habarlaýynsha, klýbtan taǵy eki chehııalyq oıynshy ketti. «Barys» HK-nyń jańa basshysy «artyqtaryn» ketirip, qazaqstandyq oıynshylardy tartty. Astanalyq klýb óz kúshimen Gagarın Kýbogyna qol jetkizbek oıda.
Aıta keteıik, buǵan deıin I. Novotny qazaqstandyq BAQ-qa bergen suhbatynda klýbtyń jańa basshylyǵyna óziniń ókpe-nazyn bildirgen bolatyn. Onyń aıtýynsha, jańa basshylyqtyń kelýimen onyń Astanada oınaýǵa esh múmkindigi qalmaǵan.
