«Barys» HK óz tárbıelenýshisiniń qaıtys bolǵanyn habarlady
ASTANA. QazAqparat - «Barys» hokkeı komandasy óz tárbıelenýshisiniń qaıtys bolǵanyn málim etti, dep habarlady klýbtyń saıtyna silteme jasap «QazAqparat» HAA tilshisi.
«Sizder alańda ótken oıyndarda nemese fotolar men vıdeo-sholýlarda arenada kishkentaı «barysty» kórgen bolarsyzdar. Komandamyzdyń shyn berilgen, adal, aq jarqyn jankúıeri, «Barys-2008» klýbynyń tárbıelenýshisi - Platon Danılenko jol apatyna ushyrap, qaza tapty. «Barys» hokkeı klýby týystary men jaqyndaryna qaıǵylaryna ortaqtasyp, kóńil aıtady...», - delingen klýb habarlamasynda.
