«Barys» HK óz alańynda «Severstal» komandasyn 3:0 esebimen jeńdi
ASTANA. 6 jeltoqsan. QazAqparat - Chehııalyq «Vıtıaz» komandasynan jeńilis tapqannan keıin, qazaqstandyq «Barys» tek jeńiske bekindi.
Astanalyq «Barystyń» qarsylasy osal bolmady - cheropovetstik «Severstal» komandasy, dep habarlady Vesti.kz.
Jaǵymsyz balans pen jeńilisterge qaramastan, «jyrtqyshtar» opponentin basyp ozýdy kózdedi. Bul jerde qonaq klýbynyń basty kóziri - Reseı quramasynyń qaqpashysy Vasılıı Koshechkın «kómektesti». Aldymen ol Dastın Boıdonyń soqqysyna tótep bere almady, sál keıinirek, alys qashyqtyqtan baǵyttalǵan shaıbany bort aldynda toqtatýǵa árekettendi, biraq jaǵdaıǵa ıe bola almaı qaldy.
Úshinshi goldy match boıy kútýge týra keldi. Dmıtrıı Ýpper men Konstantın Rýdenko Roman Starchenkony alańnyń ortasyna shyǵara otyryp, qazaqstandyq komandanyń 48-shi nómirli oıynshysy Koshechkenniń qaqpasyna taǵy bir gol salyp, esepti 3:0 etti.
«Barys» komandasy kelesi kezdesýin 7 jeltoqsan kúni Astanada Mınskiniń «Dınamo» komandasymen ótkizedi.
Qurlyqtyq hokkeı lıgasy. Turaqty chempıonat:
«Barys» (Astana) - «Severstal» (Cherepovetsk) - 3:0 (2:0, 0:0, 1:0)
Shaıbalar:
1:0 - 01:08 Dastın Boıd (Naıdjel Doýs, Fedor Polışýk). Teńdikte
2:0 - 01:36 Brendon Bochenskı (Nıkolaı Antropov). Teńdikte
3:0 - 55:54 Roman Starchenko (Konstantın Rýdenko, Dmıtrıı Ýpper). Teńdikte
Qaqpashylar: Vıtalıı Eremeev - Vasılıı Koshechkın.
