«Barys» HK» bas bapkeri bolyp qazaqstandyq hokkeı mektebiniń ókili taǵaıyndaldy
ASTANA. QazAqparat - «Áleýmettik jobalar qory» korporatıvtik qory qamqorlyq keńesiniń sheshimimen «Barys» HK» bas bapkeri bolyp Saǵymbaev Erlan Erlesuly taǵaıyndaldy, dep habarlady «QTJ» UK» AQ baspasóz qyzmeti.
E. Saǵymbaev Óskemende 1970 jyly 5 sáýirde týǵan. Qazaqstandyq hokkeı klýbynyń, Óskemen qalasy «Torpedo» hokkeı klýbynyń tárbıelenýshisi. Kóptegen jyldar boıy: «Torpedo», «Avtomobılıst» (Qaraǵandy q.), «Avangard» (Omby q.), «Metallýrg» (Novokýznetsk q.), «Sibir» (Novosıbırsk q.) hokkeı klýbtarynda jumys istedi, QR hokkeı qurama komandasynyń quramynda oınady.
«Kaztsınk-Torpedo» (Óskemen q), «Sary-Arqa» (Qaraǵandy q.), «Ertis» (Pavlodar q) klýbtarynyń bas bapkeri boldy. «Qar qabylany», «Barys» hokkeı klýbtarynyń bapkerlik shtabyna kirdi. QR Halyqaralyq synypty (shaıbamen hokkeı boıynsh) sport sheberi. QR eńbek sińirgen bapkeri. «Qamqorlyq keńesi qazaqstandyq hokkeı mektebiniń tárbıelenýshisine úmit artyp otyr. Erlan Saǵymbaevtyń esimi hokkeı súıer qaýymǵa tanys. Bapker retinde tájirıbesi mol, keleshegi zor maman retinde tanylǵan. Oǵan jańa qyzmetinde tabys tileımiz», - dedi Qordyń qamqorlyq keńesiniń tóraǵasy A. Mamın.
