«Barys» Gagarın Kýbogynyń shırekfınalynda tórtinshi matchta overtaımda «Salaýat ıÝlaevtan» utyldy
ASTANA. QazAqparat - «Barys» hokkeı klýby Gagarın Kýbogynyń shırekfınalynda tórtinshi matchta overtaımda «Salaýat ıÝlaevqa» 2:3 esebimen jol berdi.
«Barys» pen «Salaýat ıÝlaev» arasyndaǵy tórtinshi oıyn Ýfada ótti, onda qazaqstandyq jáne reseılik jankúıerler pleı-off serııasyndaǵy jaqsy oıyn órnegin kútti. Matchtaǵy oqıǵalar shabýyldaǵy hokkeıdiń jaqsy dástúrlerimen óristedi.
Birinshi jáne ekinshi kezeńderde úıdegi jattyǵýlaryn ortaǵa salǵan eki komanda da esep asha almady, eki golkıper de eshqandaı qate jibermeı, qaqpany senimdi kúzetti.
Úshinshi kezeńniń jıyrma mınýtynda «Barys» qaqpasyna ýfalyq klýbtyń shabýylshysy Igor Mırnov alǵashqy shaıba saldy. Qazaqstandyq hokkeıshiler budan burynǵy matchtaǵydaı, olardy qýalap júrýge májbúr boldy. 55-mınýtta «barystyq» forvard Naıdjel Doýs matchtaǵy esepti teńestirdi.
Jekpe-jektiń sońyna deıingi eki mınýt ishinde ýfalyqtar taǵy da alǵa shyqty. Olardyń quramynda Dmıtrıı Makarov jaqsy oıyn úlgisin kórsetti.
Oıyn sońynda qarsylastarynyń shaıba salǵanyna qaramastan, «Barys» oıynshylarynyń júni jylǵylǵan joq, qaıta shabýyldy kúsheıte tústi. Fınaldyq qońyraý soǵylǵanǵa deıin on sekýndtiń ishinde «Barys» «Salaýat ıÝlaevtyń» qaqpasyn aldy. Bul joly qazaqstandyq Dmıtrıı Ýpper tamasha oıyn kórsetti.
Al overtaımnyń altynshy mınýtynda «Salaýat ıÝlav» oıynshylarynyń uzaqqa sozylǵan shabýylynyń nátıjesinde Vıktor Eremeevtiń qaqpasyna taǵy bir shaıba tústi. Ony ýfalyq Kırıll Koltsov engizdi.
Tórt oıynnan keıin esep 3.1 esebimen «Salaýat ıÝlaevtyń» paıdasyna sheshildi. Komandanyń kelesi matchy 27 naýryzda Astanada ótedi.
Atap óterligi, búgin Gagarın Kýbogynyń alǵashqy jartylaı fınalshysy belgili boldy. Magnıtogorlyq «Metallýrg» shırekfınaldyq serııada tórt ret jeńiske jetip, Novosibirdiń «Sibir» hokkeı klýbyn utty.
