«Barys» Eýropanyń úzdik 25 klýbynyń qataryna endi
ASTANA. 17 shilde. QazAqparat - Qazaqstandyq «Barys» hokkeı klýby frantsýzdyq Hockeyarchives.com ınternet basylymnyń reıtingisinde 23-orynǵa ıe boldy.
«Baryspen» qatar Eýropanyń 250 úzdik klýbynyń qataryna Qazaqstannyń taǵy 4 komandasy engen. Bul tizimde Óskemenniń «Kaztsınk-Torpedosy» - 168, qaraǵandylyq «Saryarqa» - 200, Atyraýdyń «Beıbarys» klýby - 224, pavlodarlyq «Ertis» 238-orynǵa qol jetkizip otyr.
Eýropa reıtıngisiniń úzdik úshtigin Qurlyqtyq hokkeı lıgasynyń klýbtary quraýda. Kósh basynda Gagarın Kýboginiń bıylǵy ıegeri máskeýlik «Dınamo» komandasy tur. «Kúmis» oryn Chelıabiniń «Traktoryna» buıyrypty. Al úzdik úshtikti Sankt-Peterbor qalasynyń SKA klýby támamdady.
Frantsýz basylymynyń byltyrǵy reıtıngisinde «Barys» klýby 46 orynda bolǵan edi. Al óskemendikter Kári Qurlyqtyń tek 183-ornyn mise tutqan bolatyn.
