«Barys» elordada «Traktor» komandasyna qarsy oınaıtyn quramyn jarııalady
ASTANA. QazAqparat - «Barys» Qurlyqtyq hokkeı lıgasynda búgin elordada Reseıdiń «Traktor» (Chelıabi) komandasyna qarsy ótetin oıynǵa quramyn jarııalady, dep habarlaıdy QazAqparat tilshisi.
Atalǵan oıyn búgin, 25 qańtarda elorda ýaqytymen 19:30-de bastalyp, «Qazsport» telearnasynan tikeleı efırde kórsetiledi.
Kezdesý barysynda elordalyq komanda sapynda Gýdachek (Boıarkın), Grant, Shalapov, Shestakov, Petýhov, Noje, Mışenko, Rahmanov, Sagadeev, Mıhaılıs, Grem, Beketaev, Lýıs, Borısevıch, Brakko,
Qaıyrjan, Nurǵalıev, Ásetov, Gýrkov, Shaıhmeddenov muz aıdynǵa shyǵady.
Eki komanda buǵan deıin 50 márte kezdesti. Onyń 28-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Qazir týrnır kestesinde elý jeti oıynnan keıin 54 upaıǵa qol jetkizgen «Barys» 19-orynda keledi.
Al elý bes oıynnan keıin 54 upaı jınaǵan «Traktor» 20-orynǵa jaıǵasqan.
Eske salsaq, budan buryn «Barys» elordada «Severstal» komandasyna ese jiberdi.
Foto: hcbarys.kz
