«Barys» elordada «Kýnlýn Red Star» komandasynan jeńildi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn elordada Qytaıdyń «Kýnlýn Red Star» (Beıjiń) klýbyna qarsy ótkizdi, dep habarlaıdy QazAqparat tilshisi.

Oıyn barysynda qytaılyq komanda jınaqy qımyl kórsetti. Nátıjesinde birinshi kezeńde olardyń qatarynan Djek Rodevald 9, Brendon Ip 13, Korı Keın 15-mınýttarda mergendik tanytty.

Ekinshi kezeńde «Kýnlýn Red Star» basymdyqty arttyra tústi. Oıynnyń 29-mınýtynda Zak Leslı esepti ústemelese. 39-mınýtta Vınsent Loverde kózdegen nysanadan múlt ketken joq.

Osylaısha «Barys» qarsylasynan 0:5 esebimen jeńildi.

Endi «Barys» kezekti oıynyn 13 qazanda Reseıdiń «Admıral» (Vladıvostok) komandasyna qarsy ótkizedi.

Eske salsaq, budan buryn «Barys» «Ak Barstan» basym túsken edi.

Foto: instagram.com/kzsports