«Barys» elordada «Avtomobılısten» basym tústi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn búgin elordada «Avtomobılıst» (Ekaterınbýrg) klýbyna qarsy ótkizdi, dep habarlaıdy QazAqparat tilshisi.

Reseılik klýb bıylǵy týrnırdi sátti bastady. Segiz oıynnan keıin 13 upaı jınaǵan «Avtomobılıst» 2-orynǵa jaıǵasqan edi.

Al alǵashqy bes kezdesýin sátsiz ótkizgen «Barys» 16-orynda turdy. Sondyqtan qazaqstandyq klýb árbir kezdesýinde jeńiske jetý jolyn izdep keledi.

«Barys» hokkeıshileri birinshi kezeńde jınaqy oıyn kórsetti.

Qarsylastar qaqpasyna eki shaıba soǵyp ketti. Aldymen Entonı Lýıs 5-mınýtta esep ashsa, 18-mınýtta Arkadıı Shestakov esepti ústemeleı tústi.

Ekinshi jáne úshinshi kezeńde tablodaǵy esep ózgergen joq.

Osylaısha «Barys» qarsylasynan 2:0 esebimen basym tústi.

Eske salsaq, budan buryn «Barys» elordada «Sıbır» komandasynan basym tústi.

Endi úsh kezdesýin syrt aıdynda ótkizedi. Aldymen 24 qyrkúıekte Reseıde «Severstal» (Cherepovets) klýbymen kezdesse, odan keıin 26 qyrkúıekte «Lokomotıv» (ıAroslavl), 28 qyrkúıekte «Spartak» (Máskeý) klýbtarymen sheberlik baıqasady.