«Barys» Ekaterınbýrgtiń «Avtomobılıst» komandasyn utty
ASTANA. QazAqparat - Qurlyqtyq hokkeı lıgasynda baq synaıtyn «Barys» syrt alańda Ekaterınbýrgtiń «Avtomobılıst» komandasyn utty. Oıynda qazaqstandyq klýb qarsylastarynan 4:3 esebimen basym tústi.
Birinshi kezeńde «Barys» muz aıdyn ıelerin eki shaıba basymdyǵymen utyp shyqty. 7 mınýtta Ivan Kýchın mergendigimen kózge tússe, 12 mınýtta Roman Starchenko shaıba avtory atandy.
Ekinshi kezeńde komandalar eki-eki shaıbadan soqty. «Avtomobılıst» sapynan Artem Gareev pen Alekseı Sımakov kózge tússe, «Barystan» Korı Trıvıno men Konstantın Pýshkarevtiń nátıjeli soqqylary esepke alyndy.
Úshinshi kezeńde muz aıdyn ıeleri sapynan Artem Gareev dýbl avtory atanyp, esepti qysqartty. Odan keıingi aralyqta esep ózgermedi. Nátıjesinde «Barys» pleı-off kezeńine shyǵýdaǵy basty qarsylasyn utyp, mańyzdy upaıyn ıelendi, dep jazady Massaget.kz.
Elordalyq ujym kelesi oıynyn 9 jeltoqsan kúni Hanty-Mansııskide «ıÝgra» komandasyna qarsy ótkizedi. Oıyndy «KazSport» arnasy tikeleı efırde kórsetetin bolady.
