«Barys» «Davostan» myqty bolyp shyqty
ASTANA. 4 tamyz. QazAqparat - Qazaqstandyq «Barys» hokkeı klýby Shveıtsarııadaǵy maýsymaralyq ázirlik aýqymynda kezekti match ótkizdi, dep habarlandy komandanyń resmı saıtynda.
Bul joly Arı-Pekkı Selınniń basshylyǵyndaǵy olardyń qarsylasy muz qojaıyny - «Davos» hokkeıshileri boldy. Bul óte eleýli klýb, olar Shveıtsarııa chempıonatynda 30 ret jeńiske jetken jáne 15 ret Shpengler Kýbogynyń jeńimpazy atanǵan, dep habarlady Vesti.kz.
Osy oıynda aldymen «Davos» esep ashty, biraq ta «Barys» budan keıin belsendirek qımyldap, alǵashqy úziliske deıin esepti teńestirip qana qoımaı, 2:1 esebimen alǵa shyqty. Shaıba avtorlary - Alekseı Vorontsov pen Konstantın Pýshkarev.
Kelesi jıyrma mınýtta astanalyqtar kúsh alyp Dastın Boıd pen Fedor Polışýktiń kúsh salýymen eki shaıba salyp, «Davostyń» golpıkeriniń eńsesin túsirdi. Qorytyndy kezeńde klýbtar ózara shaıba almasty. «Barystyń» quramyndaǵy jańa hokkeıshi Maık Landın alǵash ret jaqsy oıyn órnegin kórsetti. Kezdesý qorytyndysy - 5:2.
Eske sala keteıik, budan buryn Selınniń basqarýyndaǵy «Barys» alǵashqy matchta pıterlik SKA-men teń túsken bolatyn.
