«Barys» Damır Ryspaevpen kelisimshartty úzdi
ASTANA. QazAqparat - Astanalyq "Barys" qorǵaýshy Damır Ryspaevpen kelisimshartty buzdy, dep habarlaıdy Vesti.kz qurlyqtyq hokkeı lıgasyna silteme jasap.
Klýb pen hokkeıshi arasyndaǵy kelisimshart taraptardyń kelisimimen buzyldy. Ryspaevtyń óz mansabyn qaıda jalǵastyrary ázirge belgisiz. Aıta keteıik, buǵan deıin maýsymǵa ótinish bererde «Barys» Ryspaevty tizimnen shyǵarǵan. Alaıda, klýb hokkeıshimen qoshtaspaıtynyn, dıskvalıfıkatsııaǵa baılanysty tizimnen shyǵarǵanyn aıtqan edi.
«Barys» quramynda Ryspaev 2014 jyldyń 17 qazanynan bastap oınap keledi. Qurlyqtyq hokkeı lıgasynyń turaqty chempıonatyndaǵy eki maýsymda ol 23 match ótkizip, 194 mınýt aıyp ýaqytyn aldy. Birneshe ret tóbeleske kılikken jas hokkeıshini QHL uzaq este saqtaıdy.
Bul maýsymda Ryspaev korporatıvtik merzimsiz dıskvalıfıkatsııaǵa baılanysty eshqandaı match ótkizgen joq. Mundaı jaza qorǵaýshyǵa «Kýnlýnmen» maýsymaldy oıynyndaǵy tóbeles úshin berildi.
