«Barys» Chelıabiniń «Traktorynan» oısyraı jeńilip qaıtty

«Traktorǵa» qarsy Chelıabidegi match Kevın Dallmen úshin QHL-dyń turaqty chempıonattaryndaǵy 500-shi kezdesý boldy. Elordalyq ujym kezdesý basynda-aq shabýylǵa lap qoıyp, bir shaıba alý múmkindigine ıe boldy, biraq shaıba qaqpaǵa túspedi. Aıdyn ıeleri buǵan jaýap retinde jyldam qaýipti shabýyl uıymdastyryp, Karlssonnyń qaqpasyna kúshti soqqy baǵyttady.

«Barys» sapynda soltústikamerıkalyq tandem ádettegideı erekshe kózge tústi. Veı qıǵan paspen Doýsty shaıbamen qamtamasyz etti, ókinishke qaraı Naıdjel qaqpaǵa dál soqqy baǵyttaı almady. Aqyryndap komandalar oıyn qarqynyn báseńdetip, qorǵanysqa kóbirek kóńil bóle bastady.

Ekinshi kezeń kezdesýdiń nátıjesi úshin sheshýshi boldy. Chelıabilikter sapynda Vıshnevskııdiń kúshti soqqysynan keıin Chernıkov shaıbany qaqpaǵa baǵyttady, Karlsson ony qaıtara almady, esep - 1:0. Aldymen Markelov pen Shalapovqa, artynsha Anton Saǵadeev qaýipti oınaǵany oǵan aıyp mınýttary belgilendi. San jaǵynan basymdyqqa ıe bolǵan aıdyn ıeleri esepti eseledi. Bul joly Beılen Karlsson qaqpasynyń «toǵyzdyǵyn» dál kózdedi.

Úshinshi kezeńde chelıabilikter úshinshi shaıbany da soqty. Osydan keıin astanalyqtardyń qaqpashysy Karlssonnyń ornyna Kýdrıavtsev shyqty. Ol birneshe ret qaýipti soqqylardy qaıtaryp júrdi, alaıda san jaǵynan basym bolyp turǵanda Şehýra men Beılen kombınatsııa uıymdastyryp, Vıdelldiń ashyq keńistikte shaıbamen erkin qımyldaýyna jaǵdaı jasady. Vıdell bul joly qaqpashy Sergeı Kýdrıavtsevten aılasyn asyrdy - 4:0. Úshinshi kezeńde súreńsiz oıyn kórsetken «Barys» osylaısha qarsylastar qaqpasyna shaıba soǵa almaı qaıtty.

«Traktor» (Chelıabi) - «Barys» (Astana) 4:0 (0:0, 2:0, 2:0)

Shaıbalar:

1:0 - Chernıkov (Nıkıtın, Vıshnevskıı), 24:05

2:0 - Beılen (Gıýnge, Vıdell), 35:05 GB

3:0 - Şehýra (Beılen), 41:35

4:0 - Vıdell (Şehýra, Beılen), 56:11 GB

Qaqpashylar: Frantsoýz - Karlsson (41:35 - Kýdrıavtsev)