«Barys» býllıtten «Amýr» komandasyna jol berdi

ASTANA. QazAqparat – «Barys» Qurlyqtyq hokkeı lıgasy aıasynda elordada «Amýr» (Habarovsk) komandasymen kezdesti, dep habarlaıdy QazAqparat tilshisi.
None

Kezdesý barysynda komandalar qarqyndy oıyn kórsetti.

Oıynnyń 14-mınýtynda reseılik klýbtan ıAn Drozg esep ashsa, 21-mınýtta elordalyq komandadan Arkadıı Shestakov tarazy basyn teńestirdi.

Al 24-mınýtta «Amýr» hokkeıshisi Vladıslav Barýlın qaıtadan óz komandasyn alǵa shyǵardy.

Odan keıin «Barys» sapynan Dmıtrıı Shevchenko 37, Lınden Veı 56-mınýtta eki golmen jaýap qaıyrdy.

Kezdesýdiń 58-mınýtynda Nıkıta Grebenkın gol soǵyp, oıynnyń negizgi kezeńi 3:3 esebimen aıaqtaldy. Oıyn overtaımǵa ulasty.

Overtaımda jeńimpaz anyqtalǵan joq. Býllıtte Stanıslav Bocharov soqqan shaıba «Amýrǵa» jeńis alyp keldi.

Osylaısha «Barys» qarsylasyna býllıtten 3:4 esebimen jol berdi.

Endi elordalyq klýb 6 qańtarda «Amýr» komandasymen taǵy bir oıyn ótkizedi.

Al odan keıin, 8 jáne 9 qańtar kúnderi «Admıral» (Vladıvostok) komandasymen sheberlik baıqasady.

Eske salsaq, budan buryn «Barys» elordada «Metallýrgten» basym tústi.


Foto: hcbarys.kz

Сейчас читают