«Barys» búgin SKA komandasymen kezdesedi

NUR-SULTAN. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Reseıde SKA (Sankt-Peterbýrg) klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 22:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 27 márte kezdesti. Onyń jeteýi «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

SKA elordalyq klýbpen óz aıdynynda sátti oıyn kórsetedi.

Qazirge deıin ótken 14 kezdesýdiń 13-i reseılik komandanyń jeńisimen aıaqtalǵan.

Tek 2021 jyldyń 17 qazanynda ótken oıynda «Barys» býllıtten 4:3 esebimen basym tússe, elordada olardy 3:0 esebimen tize búktirdi.

Aıta ketsek, budan keıin elordalyq klýb 7 qyrkúıekte «Vıtıaz» (Podolsk), 9 qyrkúıekte «Sochı» komandalarymen sheberlik baıqasady.

Al elordada 13 qyrkúıekte «Traktor» (Chelıabınsk) komandasyn qabyldaıdy.

Eske salsaq, «Barys» munyń aldynda alǵashqy kezdesýinde mınskilik «Dınamoǵa» ese jiberdi.