«Barys» búgin «Salavat ıÝlaevpen» 44-márte kezdesedi
NUR-SULTAN. QazAqparat - Búgin elordalyq «Barys» Reseıdiń Ýfa qalasynda jergilikti «Salavat ıÝlaev» komandasymen kezdesedi, dep habarlaıdy QazAqparat tilshisi.
Eki komanda búgingi kúnge deıin muz aıdynda 43 márte sheberlik baıqasty. Olardyń 19-y elordalyq klýbtyń basymdyǵymen aıaqtalsa, qalǵanynda «Salavat ıÝlaev» klýby jeńiske jetti. Aıta keterligi, eki komandanyń sońǵy tórt kezdesýinde «Barys» hokkeıshileri basym túsip keledi.
Elordalyq klýb 53 oıynnan keıin 67 upaı jınap, týrnır kestesinde altynshy orynǵa jaıǵasty. Al «Salavat ıÝlaev» 50 oıynnan keıin 55 upaımen 15 orynda tur. Jarystyń kelesi satysyna shyǵý múmkindigine qos komanda da qol jetkize alǵan joq.
Sońǵy týrda eki komanda da qarsylasyna ese jiberdi. «Barys» Sankt-Peterbýrgte SKA klýbyna 4:7 esebimen jol berse, «Salavat ıÝlaev» Qazanda «Ak Barstan» býllıt arqyly 2:3 esebimen jeńilip qaldy.
«Salavat ıÝlaev» pen «Barys» komandalary arasyndaǵy oıyn elorda ýaqytymen 17.30-da bastalady. Kezdesý QazSport telearnasynan tikeleı efırde kórsetiledi.
Foto: www.hcbarys.kz
