«Barys» búgin Reseıde «Ak Bars» komandasymen kezdesedi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Reseıde «Ak Bars» (Qazan) komandasyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 1 aqpanda elorda ýaqytymen 22:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 47 márte kezdesti. Onyń 11-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde elý toǵyz oıynnan keıin 57 upaıǵa qol jetkizgen «Barys» 18-orynda keledi.

Al elý jeti oıynnan keıin 73 upaı jınaǵan «Ak Bars» 8-orynǵa jaıǵasqan.

Eske salsaq, budan buryn «Barys» elordada reseılik «Dınamodan» jeńilip qalǵan edi.