«Barys» búgin pleı-off satysyndaǵy úshinshi oıynyn ótkizedi
NUR-SULTAN. QazAqparat - Qazaqstandyq «Barys» elordada qurlyqtyq hokkeı lıgasy pleı-off satysynda búgin, 5 naýryzda reseılik «Metallýrg» (Magnıtogorsk) komandasymen úshinshi kezdesýin ótkizedi, dep habarlaıdy QazAqparat tilshisi.
Kezdesý elorda ýaqytymen 19:30-da «Qazsport» telearnasynan tikeleı efırde kórsetiledi.
Magnıtogorskide ótken alǵashqy kezdesýde «Barys» qarsylasynan 3:2 esebimen basym tússe , odan keıin 2:6 esebimen ese jiberdi.
Endi taǵy bir kezdesý 7 naýryzda elordada bolady. Taǵy bir oıyn 9 naýryzda Magnıtogorskide ótkiziledi.
Bes matchta jeńimpaz anyqtalmaǵan jaǵdaıda odan keıingi 11 naýryzda astanada ótedi.
Aıta ketsek, «Barys» shyǵys konferentsııasynda segizinshi orynǵa turaqtasa, «Metallýrg» ekinshi orynǵa taban tiredi.
Eki komanda buǵan deıin pleı-off satysynda tórt márte jolyqty. Onyń ekeýinde «Barys» jarys jalǵastyrsa, ekeýinde «Metallýrg» klýbynyń joly boldy.
