«Barys» búgin pleı-off satysyndaǵy ekinshi oıynyn ótkizedi
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysynda búgin reseılik «Metallýrg» (Magnıtogorsk) komandasymen ekinshi kezdesýin ótkizedi, dep habarlaıdy QazAqparat tilshisi.
Atalǵan oıyn Nıjnekamsk qalasyndaǵy «Metallýrg» arenasynda bolady. Kezdesý elorda ýaqytymen 20:00-de «Qazsport» telearnasynan tikeleı efırde kórsetiledi.
Magnıtogorskide ótken alǵashqy kezdesýde «Barys» qarsylasynan 3:2 esebimen basym tústi.
Taǵy eki kezdesý 5 jáne 7 naýryzda elordada bolady.
Tórt matchta jeńimpaz anyqtalmaǵan jaǵdaıda odan keıingi oıyndar 9, 13 naýryzda Magnıtogorskide, 11 naýryzda astanada ótedi.
Aıta ketsek, «Barys» shyǵys konferentsııasynda segizinshi orynǵa turaqtasa, «Metallýrg» ekinshi orynǵa taban tiredi.
Eki komanda buǵan deıin pleı-off satysynda tórt márte jolyqty.
Reseılik klýb oıyndar serııasynda 2011/2012 jylǵy kezeńde 4:3, 2016/2017 jylǵy kezeńde 4:0 esebimen jeńip, jarysty jalǵastyrýǵa múmkindik aldy.
Al 2019/2020 jylǵy kezeńde «Barys» atalǵan qarsylasyn jalpy serııada 4:1, 2020/2021 jylǵy kezeńde 4:2 esebimen orta jolda qaldyryp ketti.
