«Barys» búgin elordada «Sochı» komandasymen kezdesedi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Astanada búgin Reseıdiń «Sochı» klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 17 márte kezdesti. Onyń 10-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde on eki oıynnan keıin 13 upaıǵa qol jetkizgen «Barys» 14-orynda keledi. Al, on bir oıynnan keıin 5 upaı jınaǵan «Cochı» 21 -orynǵa jaıǵasqan.

Keıingi on kezdesýdiń altaýynda qazaqstandyq klýb jeńiske jetti.

Eki komanda bıyl 9 qyrkúıekte Reseıde kezdesip, onda «Sochı» 6:3 esebimen basym tústi.