«Barys» búgin elordada «Sıbır» komandasymen kezdesedi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Sıbır» (Novosibir) komandasyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 16 qańtar elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 47 márte kezdesti. Onyń 23-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde elý eki oıynnan keıin 48 upaıǵa qol jetkizgen «Barys» 19-orynda keledi.

Al, elý bir oıynnan keıin 64 upaı jınaǵan «Sıbır» 7-orynǵa jaıǵasqan.

Eske salsaq, budan buryn «Barys» qatarynan úsh oıynda jeńilip qaldy.