«Barys» búgin elordada «Sıbır» komandasymen kezdesedi

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Sıbır» (Novosibir) klýbyna qarsy ótkizedi, dep habarlaıdy QazAqparat tilshisi.

Atalǵan oıyn búgin, 1 qarashada elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 45 márte kezdesti. Onyń 21-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde jıyrma bes oıynnan keıin 23 upaıǵa qol jetkizgen «Barys» 16-orynda keledi.

Al, jıyrma bes oıynnan keıin 30 upaı jınaǵan «Sıbır» 8-orynǵa jaıǵasqan.

Keıingi on kezdesýdiń beseýinde qazaqstandyq klýb jeńiske jetti.

Eske salsaq, budan buryn «Barys» «Salavat ıÝlaevtan» oısyraı jeńildi.